नवी दिल्ली, १८ मे २०२१: आंतरराष्ट्रीय क्रिकेट कौन्सिलकडून (आयसीसी) कसोटी दर्जा मिळविलेल्या १२ देशांपैकी केवळ दोन देशांत तटस्थ ठिकाणी कसोटी सामना खेळलेला नाही. यात भारतीय संघासह बांगलादेशचा समावेश आहे. भारत लवकरच या यादीमध्ये सामील होईल.
टीम इंडिया जवळपास ८९ वर्षांच्या कसोटी इतिहासात प्रथमच तटस्थ ठिकाणी कसोटी सामने खेळेल. भारतीय संघ पुढील महिन्यात तटस्थ ठिकाणी वर्ल्ड टेस्ट चॅम्पियनशिप (डब्ल्यूटीसी) ची अंतिम लढत खेळेल. डब्ल्यूटीसीचा अंतिम सामना भारत आणि न्यूझीलंड यांच्यात १८ जूनपासून इंग्लंडच्या साऊथॅम्प्टन येथे होणार असून तो दोन्ही देशांचा तटस्थ स्थळ आहे.
पाकिस्तानमधील सुरक्षेचा धोका लक्षात घेता, एका दशकापेक्षा जास्त काळ परदेशी संघ तेथे गेले नाहीत. दरम्यान पाकिस्तानने घरातील सामने युएई आणि श्रीलंका येथे खेळले. अशा प्रकारे, या दरम्यान, बहुतेक देशांना तटस्थ ठिकाणी कसोटी सामने खेळण्याची संधी मिळाली. यात न्यूझीलंडचा समावेश आहे, ज्याने २०१४ ते २०१८ पर्यंत तटस्थ ठिकाणी सहा सामने खेळले आहेत, त्यापैकी तीन जिंकले आणि दोन गमावले. २००७ पासून भारत आणि पाकिस्तान यांच्यात कसोटी सामने खेळलेले नाहीत.
२२ वर्षांपूर्वी होती खेळण्याची संधी
यापूर्वी भारताला १९९९ मध्ये तटस्थ ठिकाणी कसोटी सामना खेळण्याची संधी मिळाली होती, परंतु ढाका येथे खेळल्या जाणार्या आशियाई कसोटी स्पर्धेच्या अंतिम फेरीत भारतीय संघ प्रवेश करू शकला नाही. पाकिस्तान आणि श्रीलंका यांनी त्या चॅम्पियनशिपच्या अंतिम सामन्यात प्रवेश केला आणि प्रथमच त्यांनी तटस्थ ठिकाणी एक कसोटी सामना खेळला.
न्यूज अनकट प्रतिनिधी: ईश्वर वाघमारे
