कॉंग्रेसचे ज्येष्ठ नेते अहमद पटेल यांचं दुःखद निधन

गुरुग्राम, २५ नोव्हेंबर २०२०: कॉंग्रेसचे ज्येष्ठ नेते अहमद पटेल यांचं निधन झाले आहे. एका महिन्यापूर्वी अहमद पटेल यांना कोरोनाचा संसर्ग झाला होता. यानंतर त्यांच्यावर उपचार सुरू होते. अहमद पटेल यांचा मुलगा फैजल पटेल यांनी ट्विट केलं की त्यांचे वडील अहमद पटेल यांचं आज पहाटे ३.३० वाजता निधन झालं आहे. मिळालेल्या माहितीनुसार, अहमद पटेल यांच्यावर गुरुग्राममधील मेदांता रुग्णालयात उपचार सुरू होते. या रुग्णालयात त्यांचा मृत्यू झाला.

फैजल पटेल यांनी ट्विट केलं आहे की, ते वडील अहमद पटेल यांच्या दुःखद आणि अकाली निधनाची घोषणा मोठ्या दुःखानं करीत आहेत. फैजल पटेल यांनी सांगितलं की २५ रोजी सकाळी ३.३० वाजता वडिलांचा मृत्यू झाला. फैसल पटेल म्हणाले की, सुमारे एक महिन्यापूर्वी वडील कोरोना पॉझिटिव्ह आढळले. उपचारादरम्यान, त्यांच्या बर्‍याच अवयवांनी काम करणं थांबवलं आणि बरेच अवयव निकामी झाल्यावर त्यांचा मृत्यू झाला. फैजल पटेल यांनी सांगितलं की त्यांना गुरुग्राममधील मेदांता रुग्णालयात दाखल करण्यात आलं व तेथेच त्यांनी प्राण सोडले.

लोकांना कोरोनाशी संबंधित प्रोटोकॉलचे अनुसरण करावं आणि गर्दीत जाण्याचं टाळण्याचं आवाहन फैजल पटेल यांनी केलं आहे. गुजरातचे राज्यसभेचे खासदार आणि कॉंग्रेस पक्षाचे खजिनदार अहमद पटेल यांना १५ नोव्हेंबरला मेदांता रुग्णालयाच्या आयसीयूमध्ये दाखल करण्यात आलं होतं.

१ ऑक्टोबर रोजी अहमद पटेल यांनी एक ट्विट करून कोरोना पॉझिटिव्ह असल्याची माहिती दिली. त्यानंतर कॉंग्रेसचे दिग्गज नेते अहमद पटेल म्हणाले की, “मी कोरोना पॉझिटिव्ह बनलो आहे, माझी विनंती आहे की जे दरम्यानच्या काळात माझ्या संपर्कात आले होते त्यांनी स्वतःला क्वारंटाईन ठेवावे.”

७१ वर्षीय अहमद पटेल ३ वेळा लोकसभेचे सदस्य आणि ५ वेळा राज्यसभेचे खासदार राहिले आहेत. ऑगस्ट २०१८ मध्ये ते कॉंग्रेस पक्षाचे कोषाध्यक्ष म्हणून नियुक्त झाले. भरूच येथून लोकसभा निवडणुका जिंकल्यानंतर अहमद पटेल २६ व्या वर्षी १९७७ मध्ये प्रथमच संसदेत पोहोचले. नेहमी पडद्यामागील राजकारण करणारे अहमद पटेल हे कॉंग्रेस कुटुंबातील विश्वासू नेत्यांमध्ये गणले जातात. १९९३ पासून ते राज्यसभेचे खासदार होते.

न्यूज अनकट प्रतिनिधी: ईश्वर वाघमारे