भारतीय कबड्डी संघांला दुहेरी सुवर्णपदक

नवी दिल्ली: नेपाळमध्ये सुरू असलेल्या १३ व्या दक्षिण आशियाई स्पर्धेच्या कबड्डी गटात भारताने उत्तम कामगिरी करत भारतीय कबड्डी संघांने दुहेरी सुवर्णपदक पटकावले.
या गटाच्या अंतिम सामन्यात भारतीय संघाने नेपाळचा ५०-१३ असा एकतर्फी पराभव केला.
मध्यंतरापर्यंत भारताकडे १४-१० अशी चार गुणांची आघाडी होती. भारताकडून चढाईत सोनाली शिंगटे, पुष्पा, साक्षी कुमारी यांनी, तर दीपिका जोशेप, प्रियांका, रितू नेगी यांनी उत्कृष्ट कामगिरी केली.

पुरुष गट : श्रीलंकेच्या संघाविरुद्ध भारताकडे मध्यंतरापर्यंत २८-११ अशी आघाडी होती. भारताने हा सामना ५१-१८ असा जिंकला. पवन कुमार शेरावत, नवीन कुमार, नितेश कुमार, परवेश, विशाल भारद्वाज यांनी उत्कृष्ट कामगिरी केली.
दरम्यान, या उल्लेखनीय कामगिरीसह भारतीय पुरुष व महिला संघानं या स्पर्धेचे जेतेपद पटकावले.