जींदमध्ये रोडवेज बस आणि क्रूझरची धडक, ८ ठार तर १२ जखमी

हरियाणा, ८ जुलै २०२३: हरियाणातून आलेल्या मोठ्या वृत्तानुसार, आज (शनिवारी) सकाळी जींदमधील भिवानी रोडवर झालेल्या भीषण रस्ता अपघातात ८ जणांचा मृत्यू झाला आहे, तर सुमारे १२ जण जखमी झाले आहेत. पाऊस आणि ओव्हरटेकिंग हे अपघाताचे प्राथमिक कारण असल्याचे सांगण्यात येत आहे.

मिळालेल्या माहितीनुसार, हरियाणा रोडवेजची बस आणि क्रूझर वाहन यांच्यात झालेल्या धडकेत ही घटना बीबीपूर गावाजवळ घडली. पावसामुळे हा अपघात झाल्याचेही सांगण्यात येत आहे. सध्या मृतांची ओळख पटू शकली नाही. मात्र, काही मृतदेह अजूनही क्रूझरमध्ये अडकले होते, ज्यांना आता बाहेर काढण्यात आले आहे.

प्रत्यक्षात आज भिवानी रोडवेज डेपोची बस जींद बसस्थानकावरून सकाळी ९.३० वाजता निघाली. ती भिवानी रोडवरील बिबीपूर गावाजवळ येताच मुंढाळ येथून प्रवासी घेऊन जाणाऱ्या क्रुझर जीपची तिची समोरासमोर धडक झाली. ही धडक इतकी भीषण होती की या अपघातात क्रुझर जीपचा चक्काचूर झाला.

मिळालेल्या माहितीनुसार, या अपघातात ४ जणांचा जागीच मृत्यू झाला तर इतर २ जणांचा रुग्णालयात मृत्यू झाला. त्यानंतर क्रूझरमध्ये अडकलेले मृतदेह बाहेर काढण्यात आल्याने मृतांची संख्या आता ८ वर पोहोचली आहे. सध्या मृतदेह आणि जखमींना रुग्णालयात नेण्यात येत आहे. मृतांमध्ये सर्व क्रूझर स्वार असल्याचे सांगण्यात येत आहे. मात्र, या अपघातात रोडवेज बसचा चालकही जखमी झाला आहे.

न्यूज अनकट प्रतिनिधी : सूरज गायकवाड