हेरातहून दिल्लीकडे येणारी विमान अपघातग्रस्त

अफगाणिस्तान: सोमवारी अफगाणिस्तानात एक प्रवासी विमान कोसळले. पूर्व गझनी प्रांतात सोमवारी स्थानिक वेळेनुसार दुपारी १.१० वाजता एरियाना अफगाण एअरलाइन्सचे विमान कोसळले. ज्या ठिकाणी विमान कोसळले आहे ते क्षेत्र तालिबान्यांच्या नियंत्रणाखाली आहे. या क्षणी, मृतांची कोणतीही माहिती मिळालेली नाही.

अफगाण वृत्तसंस्था एरियानाच्या माहितीनुसार हेरात विमानतळावरील कंट्रोल टॉवरच्या अधिकाऱ्यांचे म्हणणे आहे की हे विमान एरियाना अफगाण एअरलाइन्सचे होते. यात ११० लोक होते आणि हे हेरात ते दिल्लीकडे उड्डाण करत होते.

गझनी प्रांताचे राज्यपाल यांचे प्रवक्ते आरिफ नूरी म्हणाले, देह याक जिल्ह्यात स्थानिक वेळेनुसार पहाटे १.१० वाजता विमान कोसळले. हा परिसर तालिबान्यांच्या अखत्यारीत आहे. अपघाताचे कारण समजू शकले नाही. संपूर्ण गझनी प्रांत हा एक डोंगराळ प्रदेश आहे, जिथे हिंदुकुश तळाशी वस्ती आहे. थंडीच्या दिवसात धुके पडते आणि हवामानही बर्‍याच वेळा खराब असते.