दिल्लीत कोरोनाने विक्रम मोडला, पहिल्यांदा २४ तासांत १०२४ पेक्षा जास्त प्रकरणे

नवी दिल्ली, दि. २९ मे २०२०: देशाची राजधानी दिल्लीत कोरोना प्रकरणांमध्ये प्रचंड तेजी पाहायला मिळाली. गेल्या २४ तासांत दिल्लीत १०२४ नवीन घटना समोर आल्या आहेत, जे आत्तापर्यंत एका दिवसात सापडलेले सर्वाधिक रूग्ण आहेत. यासह राजधानीत कोरोनाची लागण झालेल्या लोकांची संख्या वाढून १६ हजार २८१ झाली आहे.

गेल्या २४ तासांत १३ लोकांचा मृत्यू झाला आहे. दिल्लीत कोरोनामुळे आतापर्यंत ३१६ लोकांचा मृत्यू झाला आहे. येथे सक्रिय कोरोना रूग्णांची संख्या ८४७० आहे. गेल्या २४ तासांत २३१ रुग्ण बरे झाले आहेत. आतापर्यंत दिल्लीतील ७४९५ रुग्ण उपचारानंतर बरे झाले आहेत.

यापूर्वी बुधवारी दिल्लीत कोरोनाची ७९२ नवीन प्रकरणे नोंदली गेली आणि १५ लोक मरण पावले. दिल्लीमध्ये लॉकडाऊन ४ च्या शिथिलतेनंतर कोरोनाची प्रकरणे सतत वाढू लागली आहेत. अशा परिस्थितीत ही दिल्ली सरकारसाठी चिंतेची बाब असू शकते. लॉकडाऊन ४ ची सुरूवात ते आत्तापर्यंत जर बघितले तर दिल्लीत जवळपास ६५०० प्रकरणे आढळली.

अलीकडे दिल्लीचे मुख्यमंत्री अरविंद केजरीवाल म्हणाले होते की दिल्लीत प्रकरणे वाढत आहेत, पण घाबरून जाण्याचे कारण नाही. परंतु चिंतेची बाब अशी आहे की दिल्लीत आतापर्यंत नवीन प्रकरणे जी सापडली आहेत त्यामध्ये कोणतीही लक्षणे आढळून आलेली नव्हती किंवा खूप कमी प्रमाणात लक्षणे आढळली होती.

न्यूज अनकट प्रतिनिधी