जम्मू -काश्मीरमध्ये पोलिस पथकावर हल्ला, प्रत्युत्तरात लष्करचा एक दहशतवादी ठार

श्रीनगर, 9 ऑक्टोंबर 2021: श्रीनगरमधील नटीपोरा भागात शुक्रवारी रात्री दहशतवाद्यांनी पोलीस पथकावर हल्ला केला.  प्रत्युत्तरादाखल लष्करचा एक दहशतवादी ठार झाला.  त्याचा साथीदार पळून जाण्यात यशस्वी झाला.  एका पोलीस अधिकाऱ्याने सांगितलं की, मारलेल्या दहशतवाद्याकडून शस्त्रं आणि दारूगोळा जप्त करण्यात आला आहे.

 त्याच्याकडून एक ओळखपत्र मिळाले आहे.  हे उघड झालं की तो ट्रेन्झ शोपियनचा रहिवासी होता.  त्याचं नाव आकीब बशीर कुमार होते आणि तो लष्कर-ए-तैयबा या बंदी घातलेल्या दहशतवादी संघटनेशी संबंधित होता.

 दुसऱ्या दहशतवाद्याचा शोध सुरू आहे

पोलिसांनी दिलेल्या माहितीनुसार, संपूर्ण परिसर सील करण्यात आला आहे आणि घटनास्थळावरून पळून गेलेल्या दुसऱ्या दहशतवाद्याला पकडण्यासाठी शोध मोहीम सुरू करण्यात आलीय.  पोलिसांच्या टीमवर हल्ला अशा वेळी झाला आहे जेव्हा सुरक्षा दलं नागरिकांच्या हत्यांच्या पार्श्वभूमीवर हाय अलर्टवर आहेत.

आकीब एक वर्षापासून बेपत्ता होता

आकिबचा भाऊ इशफाकने त्याला ओळखलं.  ते म्हणाले की, 24 वर्षीय आकिब जवळपास एक वर्षापासून बेपत्ता होता.  शेवटच्या वेळी तो 12 नोव्हेंबर 2020 रोजी दिसला.  कुटुंबानं इमाम साहिब शोपियां येथे हरवल्याची तक्रार दाखल केली होती.

सामान्य लोकांना लक्ष्य करतायत दहशतवादी

 गेल्या एका आठवड्यात दहशतवाद्यांनी काश्मीरमध्ये 5 सामान्य लोकांना ठार केलंय.  यामध्ये श्रीनगरमधील काश्मीर पंडित औषध विक्रेता, एक काश्मिरी पंडित शिक्षक, शीख समुदायाची महिला मुख्याध्यापक, बिहारमधील रस्ता विक्रेता आणि बांदीपोरा येथील रहिवासी यांचा समावेश आहे.  यामुळं घाटीतील शीख आणि काश्मिरी पंडितांमध्ये भीतीचं वातावरण निर्माण झालंय.

अमित शहा यांनी मनोज सिन्हा यांना दिल्लीला केलं आमंत्रित

सरकारी सूत्रांनी दिलेल्या माहितीनुसार, केंद्रीय गृहमंत्री अमित शाह यांनी जम्मू -काश्मीरचे लेफ्टनंट गव्हर्नर मनोज सिन्हा यांना काश्मीरमध्ये सामान्य लोकांवर होणारे हल्ले लक्षात घेऊन दिल्लीला बोलावलं आहे.  शनिवारी दोघेही या विषयावर चर्चा करण्याची शक्यता आहे.  गृहमंत्री गुजरातहून दिल्लीला परतल्यानंतर त्यांची बैठक लवकरच होईल.  मनोज सिन्हा शनिवारी सकाळी दिल्लीला पोहोचतील.

न्यूज अनकट प्रतिनिधी: ईश्वर वाघमारे