भारताने २०२४ च्या G20 चे यजमानपद ब्राझीलकडे सोपवले

नवी दिल्ली, २७ ऑगस्ट २०२३ : पंतप्रधान नरेंद्र मोदी यांनी आज बिझनेस-२० (B20) परिषदेला संबोधित केले. ही परिषद जगभरातील धोरणकर्ते, व्यावसायिक नेते आणि तज्ञांना विचारपूर्वक चर्चा करण्यासाठी एकत्र आणते. शिखर परिषदेच्या शेवटच्या दिवशी २०२४ मध्ये जी-२० चे आयोजन करण्यासाठी भारताने बी२० चे अध्यक्षपद ब्राझीलकडे सोपवले आहे.

चांद्रयान-३ च्या यशस्वी लँडिंगच्या विषयासह पीएम मोदींनी बी२० बिझनेस समिटमधील भाषणाची सुरुवात केली. ते म्हणाले की, यावेळी २३ ऑगस्टपासून भारतात सणांचा हंगाम सुरू झाला आहे. हा उत्सव चंद्रावर चांद्रयानाच्या आगमनाविषयी आहे. भारताच्या चंद्र मोहिमेच्या यशात इस्रोने महत्त्वाची भूमिका बजावली आहे. हा सण भारताच्या विकासाला गती देण्यासाठी आहे. हा सण नावीन्यपूर्ण आहे. अवकाश तंत्रज्ञानाच्या सहाय्याने शाश्वतता आणि समानता आणण्यासाठी हा उत्सव आहे.

पंतप्रधान मोदी म्हणाले की २-३ वर्षांपूर्वी आपण सर्वात मोठ्या महामारीतून जात होतो. या महामारीने प्रत्येक देश, समाज, व्यवसाय क्षेत्र आणि कॉर्पोरेट घटकांना एक धडा दिला आहे, हा धडा घेऊन आपल्याला परस्पर विश्वासात सर्वात जास्त गुंतवणूक करणे आवश्यक आहे. महामारीच्या काळात भारताने विविध देशांना औषधे पुरवली.

या परिषदेत जगभरातील सुमारे १,७०० उद्योग क्षेत्रातील लोक आणि तज्ञ सहभागी झाले होते. तीन दिवसीय परिषद २५ ऑगस्टपासून सुरू झाली. बिझनेस-२० हा जी-२० चा एक मंच आहे, जो जागतिक व्यापारी समुदायाचे प्रतिनिधित्व करतो. त्याची स्थापना २०१० मध्ये झाली. बी-२० ची थीम सर्व व्यवसायांसाठी जबाबदारी, नाविन्यपूर्ण गोष्टी सुनिश्चित करण्यावर केंद्रित आहे. पुढील महिन्यात जी-२० शिखर परिषद होणार आहे.

न्यूज अनकट प्रतिनिधी : सूरज गायकवाड