आयकर विवरणपत्र भरण्यासाठी अर्थ मंत्रालयाने वाढविली मुदत

नावी दिल्ली, २५ ऑक्टोंबर २०२०: आयकर विवरणपत्र भरण्यासाठी मुदत वाढवण्याचा निर्णय अर्थ मंत्रालयाने घेतला आहे. वैयक्तिक करदात्यांनी त्यांचे आर्थिक कर २०१९-२० या वर्षासाठी प्राप्तिकर परतावा भरण्याची अंतिम मुदत ३१ डिसेंबर २०२० आहे. शनिवारी अर्थ मंत्रालयाने ही माहिती दिली. यापूर्वी करदात्यांना रिटर्न भरण्याची शेवटची तारीख ३० नोव्हेंबर होती.

केंद्र सरकारने मे २०१९ मध्ये आयटीआर दाखल करण्याची मुदत ३१ जुलै ते ३० नोव्हेंबर २०२० पर्यंत वाढविली होती. त्यानंतर सीबीडीटीने आपल्या आदेशात म्हटले आहे की कोरोना व्हायरसच्या संकटामुळे करदात्यांना होणार्‍या अडचणी लक्षात घेता हा निर्णय घेण्यात आला आहे.

मूल्यांकन वर्ष २०१९-२० साठी विलंबित किंवा सुधारित आयटीआर दाखल करण्याची तारीख ३० सप्टेंबर २०२० वरून ३० नोव्हेंबर २०२० पर्यंत वाढविण्यात आली आहे. कोरोना संकटामुळे आयकर विवरणपत्र भरण्यासाठी सरकारने चौथ्यांदा मुदतवाढ दिली आहे.

यापूर्वी मार्चमध्ये सरकारने अंतिम मुदत ३१ मार्च २०२० ते ३० जून २०२० पर्यंत वाढविली होती. हे नंतर ३१ जुलै २०२० आणि नंतर ३० सप्टेंबर २०२० पर्यंत वाढविण्यात आले.

न्यूज अनकट प्रतिनिधी: ईश्वर वाघमारे