.jpeg?updatedAt=1726142429837 "दिल्ली येथे होणाऱ्या साहित्य संमेलनाचे बोधचिन्ह राज ठाकरे निवडणार")
.jpeg?updatedAt=1725544140003 "महाविद्यालयांनी १०० टक्के विद्यार्थी मतदार नोंदणीसाठी पुढाकार घ्यावा- जिल्हाधिकारी डॉ.सुहास दिवसे")
.jpg?updatedAt=1702473103310 "नवाझ शरीफांची भ्रष्टाचाराच्या आरोपातून निर्दोष सुटका । जागतिक घडामोडी ।")
.jpg?updatedAt=1702391726244 "दक्षिण आशियात भूकेची समस्या अद्यापही कायम – संयुक्त राष्ट्र । जागतिक घडामोडी ।")
.jpg?updatedAt=1702130819161 "पंतप्रधान नरेंद्र मोदी जगातील सर्वात लोकप्रिय नेते । जागतिक घडामोडी ।")
RBI गोल्ड रिझर्व्ह, 6 नोव्हेंबर 2021: आपल्या देशात लोकांना गुंतवणुकीच्या दृष्टीने सोनं खूप आवडतं. रिझर्व्ह बँकही या प्रकरणात मागे नाही. रिझर्व्ह बँक ऑफ इंडियाने (RBI) गेल्या एका वर्षात सुमारे 75 टन सोनं खरेदी केलं आहे.
विशेष म्हणजे, रिझर्व्ह बँकेकडे सुमारे $640 अब्ज (सुमारे 46.83 लाख कोटी रुपये) इतका परकीय चलन साठा आहे. यापैकी सुमारे 744 टन सोनं आहे. गेल्या 12 महिन्यांत रिझर्व्ह बँकेच्या सोन्याच्या साठ्यात चांगली वाढ झालीय.
किती वाढ
रिझव्‍‌र्ह बँकेने जाहीर केलेल्या आकडेवारीनुसार, सप्टेंबर 2021 पर्यंत त्यांच्या साठ्यात 743.84 टन सोनं होतं. हे सप्टेंबर 2020 च्या तुलनेत सुमारे 11 टक्के अधिक आहे. सप्टेंबर 2020 मध्ये रिझर्व्ह बँकेच्या रिझर्व्हमध्ये 668.25 टन सोनं होतं. अशाप्रकारे, गेल्या 12 महिन्यांत रिझर्व्ह बँकेने 75.59 टन अतिरिक्त सोनं खरेदी केलं आहे.
किती आहे किंमत
सध्याचे बाजारमूल्य पाहिल्यास रिझर्व्ह बँकेच्या या सोन्याच्या साठ्याची किंमत सुमारे 3.2 लाख कोटी रुपये आहे. इंडियन एक्स्प्रेसच्या वृत्तानुसार, एका वर्षात रिझर्व्ह बँकेच्या सोन्याचं मूल्य सुमारे 7,150 कोटी रुपयांनी वाढलंय.
गेल्या दोन वर्षांत रिझर्व्ह बँकेच्या सोन्याच्या साठ्यात सुमारे १२५.६ टन वाढ झालीय. यामुळं भारत हा जगातील नवव्या क्रमांकाचा सोन्याचा साठा असलेला देश बनला आहे.
कुठं ठेवलंय सोनं
रिझर्व्ह बँकेच्या म्हणण्यानुसार, या रिझर्व्हमधील 451.54 टन सोनं परदेशात बँक ऑफ इंग्लंड आणि बँक फॉर इंटरनॅशनल सेटलमेंट्स (BIS) च्या सुरक्षित कोठडीत ठेवण्यात आलं आहे. उर्वरित सुमारे 292.30 टन सोनं भारतात आहे.
न्यूज अनकट प्रतिनिधी: ईश्वर वाघमारे
