सारा अली खानने इंग्रजांविरुद्ध छेडले युद्ध; ‘ऐ वतन मेरे वतन’चा दमदार टीझर रिलीज

मुंबई, २३ जानेवारी २०२३ : अभिनेत्री सारा अली खान लवकरच ‘एऐ वतन मेरे वतन’ चित्रपटात स्वातंत्र्यसैनिकाची भूमिका साकारताना दिसणार आहे. प्रजासत्ताकदिनापूर्वी निर्मात्यांनी त्यांच्या चित्रपटाचा पहिला टीझर रिलीज केला आहे. हा चित्रपट Amazon Prime Video चा मूळ चित्रपट असेल. टीझरमध्ये सारा अली खान रेडिओवर ब्रिटिश राजवटीला आव्हान देताना दिसत आहे.

टीझरमध्ये सारा अली खान एका खोलीत ब्रिटिशांपासून लपून ब्रिटिश सरकार आणि देशवासीयांना रेडिओवर संदेश देताना दिसत आहे. मागून दारावर टकटक होते आणि सारा अली खान घाबरते तेव्हा ती तिचे शब्द बोलत असते. इंग्रज सरकारच्या सैन्याने दार ठोठावले आहे हे तिच्या इशाऱ्यावरून स्पष्ट होते. मात्र, या चित्रपटाची कथा काय असेल आणि तो कधी प्रदर्शित होईल, याची माहिती अद्याप समोर आलेली नाही. हा चित्रपट वास्तविक घटनांवर आधारित असल्याचे निर्मात्यांचे म्हणणे आहे.

सारा अली खान तिच्या फिल्मी करिअरमध्ये पहिल्यांदाच देशभक्तिपर चित्रपटात दिसणार आहे. टीझरमध्ये बॉम्बे आणि १९४२ ची माहिती देण्यात आली आहे. या चित्रपटाचे दिग्दर्शन कन्नन अय्यर यांनी केले आहे. याची निर्मिती करण जोहर आणि अपूर्व मेहता यांनी संयुक्तपणे केली आहे. चित्रपट ओटीटी प्लॅटफॉर्म Amazon Prime Video वर प्रदर्शित होणार आहे. महात्मा गांधींनी १९४२ मध्येच भारत छोडो आंदोलन सुरू केले होते. या चित्रपटात या चळवळीचा नायक दाखविण्यात येणार असल्याचे टीझरवरून कळते.

‘न्यूज अनकट’ प्रतिनिधी : सूरज गायकवाड