रॉयल चॅलेंजर्स बंगलोरचा एलिमिनेटरमध्ये 14 धावांनी रोमांचक विजय, लखनौ सुपर जायंट्स स्पर्धेतून बाहेर

RCB Vs LSG, 26 मे 2022: IPL 2022 च्या एलिमिनेटर सामन्यात रॉयल चॅलेंजर्स बंगलोर (RCB) ने लखनौ सुपर जायंट्स (LSG) चा 14 धावांनी पराभव केला. यासह RCB क्वालिफायर-2 मध्ये पोहोचला आहे, जिथे तो राजस्थान रॉयल्सशी स्पर्धा करेल. प्रथमच आयपीएल खेळणाऱ्या लखनौ सुपर जायंट्सचे चॅम्पियन होण्याचे स्वप्न भंगले आणि ती चौथ्या क्रमांकावर राहिली.

प्रथम फलंदाजी करताना रॉयल चॅलेंजर्स बंगळुरूने 207 धावा केल्या, प्रत्युत्तरात लखनौ सुपर जायंट्सचा संघ 193 धावाच करू शकला. एके काळी लखनौला हे लक्ष्य गाठता येईल असे वाटत होते, पण सतत विकेट पडल्यानंतर लखनौला पुनरागमन करता आले नाही आणि सामना गमावला.

क्वालिफायर 2: राजस्थान रॉयल्स विरुद्ध रॉयल चॅलेंजर्स बंगलोर, 27 मे. संध्याकाळी 7.30 वा
अंतिम: गुजरात टायटन्स विरुद्ध क्वालिफायर 2, मे 29 चा विजेता संघ. 08.00 वाजता

शेवटच्या तीन षटकांचा थरार

लखनौ सुपर जायंट्सला शेवटच्या तीन षटकात 41 धावांची गरज होती. हर्षल पटेलने 18 व्या षटकात गोलंदाजी केली आणि या षटकात केवळ 8 धावा देत विकेट घेतली. 19व्या षटकात आरसीबीचा जोश हेझलवूड गोलंदाजीसाठी आला, येथे लखनौला 33 धावांची गरज होती. जोश हेझलवूडने येथे फक्त 9 धावा देत दोन विकेट घेतल्या.

शेवटच्या षटकाची पाळी आली तेव्हा लखनौकडून इवान लुईस आणि चमिरा क्रीजवर होते. बेंगळुरूसाठी हर्षल पटेलने गोलंदाजीची धुरा सांभाळली, तर लखनौला शेवटच्या षटकात 24 धावा कराव्या लागल्या. पण त्याला केवळ 9 धावा करता आल्या आणि यासह बेंगळुरूने 14 धावांनी विजय मिळवला.

न्यूज अनकट प्रतिनिधी: ईश्वर वाघमारे