शिवसेना खासदार भावना गवळी यांच्या घरावर आणि कार्यालयावर ईडी छापा

मुंबई, ३१ ऑगस्ट २०२१: अंमलबजावणी संचालनालयाने (ईडी) सोमवारी शिवसेना खासदार भावना गवळी पाटील यांच्या घरावर आणि कार्यालयावर छापा टाकला.  यवतमाळमधील भावना गवळी यांचे घर आणि कार्यालयासह ६ ते ७ ठिकाणी छापे मारण्यात आले आहेत.  छापा टाकण्याची प्रक्रिया अजूनही सुरू आहे.  यासह, ईडीने महाराष्ट्राचे माजी गृहमंत्री अनिल देशमुख यांच्या प्रकरणातही अनेक ठिकाणी छापे घातले.

भावना गवळी पाटील या यवतमाळच्या शिवसेनेच्या खासदार आहेत.  ७२ कोटी रुपयांच्या फसवणुकीशी संबंधित प्रकरणावर ईडीने ही छापेमारी केली आहे.  सांगितले जात आहे की या प्रकरणात ईडीने भावना गवळी यांचे घर आणि कार्यालयासह अनेक ठिकाणी छापे टाकले आहेत.

 भावना गवळी शिवसेनेच्या कणखर नेत्यांपैकी एक आहे.  गेल्या ५ लोकसभा निवडणुका त्या सतत जिंकत आल्या आहेत.  भावना १९९९ मध्ये पहिल्यांदा लोकसभेच्या खासदार म्हणून निवडल्या गेल्या.  त्यानंतर २००४, २००९, २०१४ आणि २०१९ मध्येही त्यांनी निवडणूक जिंकली.

 भावना गवळीशिवाय ईडीचे छापे अनिल देशमुखच्या प्रकरणात सुरू आहेत.  हे छापे मुंबईतील एका अड्ड्यासह तीन वेगवेगळ्या ठिकाणी सुरू आहेत.  रविवारीच ईडीने महाराष्ट्र सरकारमधील मंत्री आणि शिवसेना नेते अनिल परब आणि अनिल देशमुख यांना मनी लाँडरिंग प्रकरणात समन्स बजावले आहे.  मंगळवारी त्याची चौकशी केली जाईल.

न्यूज अनकट प्रतिनिधी: ईश्वर वाघमारे