WhatsApp यूजर्ससाठी खुशखबर! हे नवीन अपडेट बदलेल तुमची व्हॉइस मेसेज ऐकण्याची पद्धत

पुणे, 24 मार्च 2022: व्हॉट्सअॅप हे खूप लोकप्रिय इन्स्टंट मेसेजिंग ऍप आहे. वापरकर्त्यांचा अनुभव वाढवण्यासाठी WhatsApp सतत नवनवीन फीचर्स जारी करत आहे. आता WhatsApp व्हॉइस मेसेजमध्ये बदल करण्यावर काम करत आहे. जाणून घ्या काय आहे WhatsApp चे नवीन फीचर.

तुमच्या मित्राने तुम्हाला 3 मिनिटांची व्हॉईस नोट पाठवली असेल आणि तुम्हाला व्हॉईस नोट ऐकायची असेल तसेच इतर मेसेज वाचण्याची तुमची इच्छा असेल. पण, चॅट सोडताच व्हॉइस मेसेज बंद होतो.

WhatsApp आता हे सोपे करत आहे. म्हणजेच व्हॉईस नोट फीचरमध्ये बदल केले जात आहेत. याआधी बीटा व्हर्जनमध्ये ग्लोबल व्हॉईस प्लेयर देखील दिसला होता. याशिवाय, हे WhatsApp डेस्कटॉपवर देखील उपलब्ध होते.

आता हे अनेक Android बीटा वापरकर्त्यांसाठी उपलब्ध करून देण्यात आले आहे. हे फीचर iOS बीटा परीक्षकांसाठी आधीच आणले गेले आहे. Wabetainfo ने याबाबत वृत्त दिले आहे. Wabetainfo WhatsApp घडामोडींवर लक्ष ठेवते.

Wabetainfo नुसार, हे फीचर अँड्रॉईड बीटा टेस्टर्ससाठी उपलब्ध करून देण्यात आले आहे. या फीचर्ससह, तुम्ही दुसरी चॅट उघडता तेव्हाही तुम्ही व्हॉइस नोट प्ले करू शकता. ऍपमध्ये सध्या असे नाही.

व्हॉईस मेसेज प्ले होत असताना तुम्ही ते चॅट बंद केले आणि दुसऱ्या चॅट विंडोवर गेलात, तर व्हॉइस मेसेज थांबतो. हे फीचर सुरू केल्यानंतर, व्हॉइस मेसेज किती लांब आहे याने काही फरक पडत नाही, तुम्ही व्हॉइस नोट्स ऐकताना इतरांशी चॅटही करू शकता. लवकरच ही सुविधा सर्वांना उपलब्ध करून दिली जाईल, असे मानले जात आहे.

न्यूज अनकट प्रतिनिधी: ईश्वर वाघमारे