लोकप्रिय अभिनेते आणि दिग्दर्शक ई रामदास यांचे निधन

चेन्नई, २५ जानेवारी २०२३ लोकप्रिय अभिनेते आणि दक्षिण चित्रपटांचे दिग्दर्शक ई रामदास यांचे २३ जानेवारी रोजी हृदयविकाराच्या धक्क्याने निधन झाले आहे. ते ६६ वर्षांचे होते. त्यांच्या मुलाने सोशल मीडियावर ही माहिती दिली आहे. त्यांच्या निधनाने चित्रपटसृष्टीत शोककळा पसरली आहे. त्यांच्या निधनावर अनेक सेलिब्रिटींनी शोक व्यक्त केला आहे.

वडिलांच्या निधनाची माहिती देताना त्यांचा मुलगा कलचेलवान यांनी सांगितले की, माझे वडील, दिग्दर्शक, लेखक, अभिनेते ई. रामदास यांचे हृदयविकाराच्या झटक्याने निधन झाले आहे. त्यांच्यावर मंगळवारी संध्याकाळी पाच वाजता अंत्यसंस्कार करण्यात आले.

• या चित्रपटांमध्ये केले होते काम

ई रामदास यांनी लेखक म्हणून अनेक चित्रपटांमध्ये काम केले आहे. त्यांनी शिवकार्तिकेयनच्या खाकी साथई, वेठीमारनची चौकशी, नयनतारासोबत आराम, विजय सेतुपतीचा विक्रम वेद आणि धनुषचा मारी २ यासारख्या अशा अनेक हिट चित्रपटांमध्ये काम केले आहे. याशिवाय त्यांच्या दिग्दर्शनाखाली राजा राजा ठाण, स्वयंवरम, रावण, हजार फूल खिले, हजवे लोकतंत्र, नेजनम उडू नेरीमाई उडू हे चित्रपट प्रदर्शित झाले आहेत.

ई रामदास शेवटचे मोठ्या पडद्यावर ‘वरलारू मुक्कियम’ चित्रपटात दिसले होते. या चित्रपटात ते जीवा या मुख्य भूमिकेत दिसले होते. डिसेंबर २०२२ मध्ये रिलीज झालेला हा चित्रपट आता OTT प्लॅटफॉर्मवरही स्ट्रीम करण्यात आला आहे.

‘न्यूज अनकट’ प्रतिनिधी : प्रज्ञा फाटक.