प्रतीक्षा संपणार, आज लाँच होणार नवीन Hyundai Venue

Hyundai Venue Launch, 16 जून 2022: Hyundai Motors ची सब-कॉम्पॅक्ट SUV Hyundai Venue चे फेसलिफ्ट व्हर्जन लॉन्च होण्याची लोक अनेक महिन्यांपासून वाट पाहत आहेत. आता ही प्रतीक्षा संपणार असून ही कार आज लाँच होणार आहे. सध्या तिची बुकिंग 21,000 रुपयांना केली जात असून याचे अनेक तपशीलही समोर आले आहेत.

नवीन प्रकारचे हेड लॅम्प आणि टेल लॅम्प

यावेळी Hyundai Venue च्या लूकमध्ये सर्वात मोठा बदल तिच्या हेडलॅम्प्स आणि टेल लॅम्प्समधून होणार आहे. यावेळी कारला फोकस एलईडी हेडलॅम्प्स देण्यात आले आहेत आणि त्याभोवती चौकोनी शैलीतील नवीन डीआरएल लाईट कार ला उत्कृष्ट लुक देतात. कारचा मागील लूकही बदलण्यात आलाय. यात कनेक्टिंग एलईडी टेललाइट्स मिळतात जे कारमध्ये नवीन घटक जोडतात. यासोबतच अलॉय व्हीलच्या डिझाइनमध्येही बदल करण्यात आला आहे.

कारचा फ्रंट लुक जबरदस्त

ग्रिलमुळे कोणत्याही कारचा पुढचा भाग छान दिसतो, कंपनीची पॅरामेट्रिक डिझाइन ग्रिल नवीन Hyundai Venue फेसलिफ्टमध्ये देण्यात आली आहे. त्याच वेळी, यासह सिंक करणारे इंडिकेटर लाइट्स देखील दिले गेले आहेत. ग्रिल चा लुक देखील जवळजवळ क्रेटा आणि टस्कन सारखाच आहे. कारचा बाह्य भाग पूर्वीपेक्षा स्पोर्टी आणि बोल्ड आहे. ह्युंदाई व्हेन्यूमध्ये त्याच्या सेगमेंटच्या कार्समध्ये येणारा सनरूफ तिला वेगळा लुक देतो.

अलेक्सा गुगल व्हॉइस

नवीन Hyundai Venue 2022 मध्ये, कंपनी Alexa आणि Google Voice असिस्टंट देखील फीचर करेल. म्हणजेच, तुम्हाला हवे असल्यास, तुम्ही फक्त व्हॉईस कमांडच्या सहाय्याने कारची अनेक वैशिष्ट्ये नियंत्रित करू शकता. तसेच वेंटिलेटेड सीटचा पर्याय यामध्ये मिळू शकतो. यासोबतच 360 डिग्री कॅमेरा, नवीन अपहोल्स्ट्री, मोठी इन्फोटेनमेंट स्क्रीन आणि पार्किंग सेन्सर्स सारखे फीचर्सही कारमध्ये असतील. यात ऍपल कार प्ले आणि अँड्रॉइड ऑटो, एअर प्युरिफिकेशन सिस्टम आणि मागील एसी व्हेंट्सची कनेक्टिव्हिटी देखील मिळेल.

Hyundai Venue आज लाँच

Hyundai ची ही सब-कॉम्पॅक्ट SUV (Hyundai Venue facelift Launch Today) लाँच आज होणार आहे. ही कार टायफून सिल्व्हर, फँटम ब्लॅक, फायरी रेड, डेनिम ब्लू, टायटन ग्रे, पोलर व्हाईट आणि ब्लॅक रूफ ड्युअल टोनसह फायरी रेड अशा रंगांमध्ये येईल.

पेट्रोल-डिझेल इंजिनचे पर्याय उपलब्ध

ह्युंदाईच्या या कारमध्ये ग्राहकांना त्यांच्या आवडीचे पेट्रोल किंवा डिझेल इंजिनचा पर्याय निवडता येणार आहे. ही कार 3 इंजिन पर्यायांमध्ये येऊ शकते. ही 6 ट्रिम्समध्ये लॉन्च केली जाऊ शकते (Hyundai Venue facelift variants/Trims). पेट्रोल इंजिनमध्ये 1.2 लीटर आणि इतर 1.0 लीटर टर्बो GDI चा पर्याय असू शकतो. टर्बो इंजिनवर, ते 118 bhp कमाल पॉवर आणि 172Nm पीक टॉर्क जनरेट करेल. तर कारला 1.5 लीटर डिझेल इंजिन देखील मिळेल जे 92bhp कमाल पॉवर आणि 240 Nm पीक टॉर्क जनरेट करेल. तुम्हाला कारमध्ये 6-स्पीड मॅन्युअल किंवा ऑटोमॅटिक आणि 7-स्पीड डीसीटी ऑटोमॅटिक ट्रान्समिशनचा पर्यायही मिळू शकतो.

Hyundai Venue ची किंमत तशीच राहील

Hyundai Venue ची किंमत 7 लाख रुपयांपेक्षा जास्त असू शकते. ती बाजारात मारुती विटारा ब्रेझा फेसलिफ्ट, किया सोनेट, महिंद्रा XUV300 सारख्या मॉडेल्सशी स्पर्धा करू शकते. Hyundai व्हेन्यूमध्ये सुरक्षिततेची काळजी घेण्यात आली आहे. यात 6 एअरबॅग असतील. यासोबतच व्हेईकल स्टॅबिलिटी मॅनेजमेंट, हिल स्टार्ट असिस्ट आणि इलेक्ट्रॉनिक स्टॅबिलिटी कंट्रोल सारखे फीचर्स देखील असतील.

न्यूज अनकट प्रतिनिधी: ईश्वर वाघमारे